Éamon Ó Cuív (Galway West, Fianna Fail) | Oireachtas source

Níl aon amhras orm ach dá mbeadh na meáin shóisialta ann nuair a achtaíodh an Bille in 2003 go mbeadh siad clúdaithe ann. Tá ciall leis an rud atá á mholadh, ar fhaitíos go bhfuil aon mhíthuiscint faoi céard a bhí i gceist le meáin leictreonacha. Bheadh súil agam go mbreathnódh an tAire Stáit go fabhrach air sin.

Is trua nach bhfuilimid ag plé leasuithe Uimh. 46 agus 50 le chéile. Fanfaidh mé go mbeimid ag plé leasú Uimh. 50, ó tharlaigh go bhfuil m’ainm féin thíos leis, ach tá gá go mbeadh an t-ábhar seo clúdaithe.