Niall Ó Donnghaile (Sinn Fein) | Oireachtas source

Mar atá ráite ag an Chathaoirleach, bhí sé luaite ag finnéithe Chonradh na Gaeilge an tseachtain seo caite ag an chruinniú agus luaigh mé féin ag an chruinniú gur ceart dúinn smaoineamh faoi rúin mar seo a leagan os comhair an choiste. Tá súil agam go mbeidh muid in ann iad a aontú mar gheall ar na fáthanna uilig a thug Conradh na Gaeilge dúinn agus mar gheall go bhfuil a fhios againn féin sna ceantair agus muid eolach ar na grúpaí seo, cé chomh tábhachtach agus a bhfuil an maoiniú seo, go háirithe sa tréimhse ina bhfuil muid. Leis na rúin seo, is féidir linn iarraidh ar an Aire agus an Aire Stáit cinnteacht a thabhairt do na grúpaí agus na pobail seo fosta.