Oireachtas Joint and Select Committees
Wednesday, 11 November 2020
Joint Committee on the Irish Language, the Gaeltacht and the Irish Speaking Community
Gnó an Chomhchoiste.
Catherine Connolly (Galway West, Independent) | Oireachtas source
Fáiltím roimh an gcomhfhreagras ach níl sé sásúil beag nó mór. Ar a laghad tá dáta luaite anseo, an 25 Samhain, agus is dul chun cinn é sin go teoriciúil. Níl sé sásúil nach bhfuil dáta againn, in ainneoin iarrachtaí an Chathaoirligh. Níl éinne ag dul siar ar a bhriathar go díreach. Ní bhaineann an botún sin leis an Rialtas. Ní thuigim cé leis a bhaineann sé. Ní bhaineann sé leis an gcoiste seo, tá sé sin soiléir, ach tá botún áit éigin. Níl sé ró-dheacair cinneadh a dhéanamh an Bille a chur os ár gcomhair. Ba chóir dúinn obair i dtreo an lae sin, an 25 Samhain. Dúirt an tAire Stáit go bhfuil sé dóchasach go mbeidh sé os ár gcomhair ar an lá sin. Ní féidir leanúint ar aghaidh mar seo. Is cúis magaidh é i ndáiríre. Tá an rud ceannann céanna a rá againn chuile sheachtain. Níl mise in ann a mhíniú d'aon duine cá bhfuil an botún. Is é sin an rud is measa.
No comments