Éamon Ó Cuív (Galway West, Fianna Fail) | Oireachtas source

Le cead an Chathaoirligh, ba mhaith liom an fhadhb atá anseo a leagan amach. Tá na húdaráis áitiúla ag cur coinníollacha teanga isteach i gceadanna pleanála, 80% mar shampla i Ráth Chairn, agus mugadh magadh an cur i bhfeidhm atá i gceist. Ní ceist polasaí é, is ceist chur i bhfeidhm. Ceadaítear do dhaoine nach bhfuil an Ghaeilge á labhairt acu na tithe seo a cheannach. Níl aon chaighdeán i gceist. Nuair a théann duine isteach agus deireann sé gur Éamon Ó Cúiv é, mar shampla, deirtear leis go bhfuil Gaeilge iontach aige, agus away leis agus tugtar an cead. Ní fadhb polasaí é, is fadhb fheidhmithe é. Ba cheart an tAire agus tAire Stáit, agus na bainisteoirí nó na príomhfheidhmeannaigh as na seacht comhairlí contae, a thabhairt isteach agus a fhiafraí díobh céard atá á dhéanamh acu mar tá siad ag déanamh scigmhagadh den dlí a bheir an tOireachtas isteach go gcaithfear an Ghaeltacht a chur san áireamh.