Aengus Ó Snodaigh (Dublin South Central, Sinn Fein) | Oireachtas source

Ar mhiste le haon duine eile labhairt? Níor mhiste. Aontaím leis an méid atá ráite. Ba mhaith liom a impí ar na comhaltaí nuair atáimid ag cur an chláir oibre le chéile don bhliain seo chugainn gur féidir linn plé a dhéanamh ar an ábhar seo. Tá an clár oibre lán don bhliain seo cheana féin, mura bhfuil siad ag iarraidh rud éigin a tharraingt amach agus an ní seo a chur isteach. Is féidir linn an tAire Tithíochta, Rialtais Áitiúil agus Oidhreachta a thabhairt os ár gcomhair, nó cruinniú a bheith againn leis an gcoiste a ghabhann leis an Roinn Tithíochta, Rialtais Áitiúil agus Oidhreachta. Is féidir linn joint committee meeting a bheith againn ar an gcaoi sin más gá. D'fhéadfaimis an moladh sin a phlé nuair atáimid ag cur an phlean le chéile don bhliain seo chugainn. Tá an ceart ag an Teachta Ó Cúiv gur gá dúinn é sin a dhéanamh luath go leor, go háirithe toisc go bhfuil na húdaráis áitiúla ag cur na bpleananna forbartha le chéile faoi láthair. B'fhéidir go mbeadh ról ag-----