Mr. Gearóid Ó Súilleabháin:

Is ceist deacair é sin mar ar an gcéad dul síos, ní eagraíocht muid atá mórán le déanamh againn le muintir an phobail. Ní public facing organisation muidne. Táimid ag déileáil go formhór leis na hinstitiúidí ard-léinn, an Roinn agus a leithéid. Chomh maith leis sin, tá meascán de dhaoine ar an bhfoireann faoi láthair. Tá cuid mhaith acu nach Éireannaigh iad agus dá bhrí sin níl aon Ghaeilge acu. Chomh maith leis an muinín, tá an beirt atá an Ghaeilge acu in ann dul i dteagmháil le meáin na Gaeilge nó pé rud atá ag teastáil. Déanaimid iarracht chun a fháil amach an bhfuil móran Gaeilge ag an dream eile. B'fhéidir gur fada an lá é ó bhí siad ar scoil agus ag foghlaim na Gaeilge. Ní doigh liom go bhfuil céim sa Ghaeilge ag éinne san oifig ach déanaimid iarracht labhairt leo agus a fháil amach an bhfuil siad sásta é sin a dhéanamh, go mórmhór san oifig failtiú, ach chun an fhírinne a insint, táimid in ann freastal ar na dualgais agus ar an éileamh atá orainn faoi láthair ó thaobh comhfhreagras de agus ó thaobh urlabhraí a chur ar fáil atá Gaeilge acu. Níl mórán gá nó níl mórán éilimh eile ag teacht orainn ach nuair atá an díospóireacht ag dul ar aghaidh leis an Roinn agus leis an gcóras ard-oideachais, feicimid an mbeimid in ann rudaí eile a dhéanamh taobh istigh de bhliain nó dhó.