Oireachtas Joint and Select Committees
Tuesday, 6 February 2018
Joint Standing Committee on the Irish Language, the Gaeltacht and the Islands
Ionaid Cúraim Leanaí Lán-Ghaeilge i gCeantair Gaeltachta: Díospóireacht
5:00 pm
Catherine Connolly (Galway West, Independent) | Oireachtas source
Maidir leis na fiacha, an féidir leat iad a shoiléiriú dom? Léigh mé cuid mhaith agus, go raibh míle maith agat as sin, tá siad cuimsitheach, is oth liom nár ligeadh duit iad a léamh amach ina iomlán, ach tá siad léite againne. Maidir leo, tá sibh ag iarraidh fáil réidh leis na fiacha, tá siad ag cur isteach ar an bhfís atá agaibh, ag cur cosc ar an bhfís a bhí ag lucht a bhunaithe lena chur i gcrích. An féidir libh é sin a mhíniú dom? Cén chaoi a bhfuil sé ag cur isteach oraibh? Cad ba chóir agus cad ba cheart libh a dhéanamh agus céard nach bhfuil sibh in ann a dhéanamh de bharr na bhfiacha? Cad iad na háiseanna eile atá ag teastáil uaibh?
No comments