Trevor Ó Clochartaigh (Sinn Fein) | Oireachtas source

Is í Roinn an fhinné an Roinn atá freagrach. Déanann an Coimisinéir Teanga tuarascáil bhliantúil ó thaobh neamhghéilliúlachta, or non-compliance, leis an Acht. Cuireann sé é sin ar aghaidh chuig an Aire sinsearach sa Roinn. Tá neamhghéilliúlacht i 40% de na Ranna agus na heagraíochtaí Stáit. Níl scéimeanna teanga acu. An bhfuil náire ag an bhfinné go bhfuil an leibhéal gheilliúlachta, nó an méid eagraíochtaí Stáit a bhfuil scéim teanga acu, chomh íseal sin? An nglacfaí leis sin i leith aon dlí eile sa tír?