Oireachtas Joint and Select Committees
Tuesday, 30 May 2017
Joint Standing Committee on the Irish Language, the Gaeltacht and the Islands
Craoltóireacht in Éirinn trí Mheán na Gaeilge: Díospóireacht
6:00 pm
Niall Ó Donnghaile (Sinn Fein) | Oireachtas source
Bhí mé ag leanúint cuid den chur i láthair ón oifig. Aontaím leis an méid atá ráite ag Mr. Ó hÍr ó thaobh infheistíochta mar tá an cás mar an gcéanna leis na cúltúrlainne ó Thuaidh faoi láthair. Le cur leis an méid atá ráite aige ó thaobh Raidió Fáilte agus an cheannródaíocht atá léirithe aige, tá i bhfad níos mó ná seirbhísí craoltóireachta i gceist leis an tseirbhís atá curtha ar fáil aige. Tá seanaithne agam ar Raidió Fáilte. Cé go bhfuil pribhléid agam níl mé chun ainm ar bith a luath. Is cuimhin liom fadó daoine áirithe ag craoladh go mídhleathach. Thuig siad an tábhacht a bhain leis an teanga a chur chun tosaigh agus an tseirbhís sin, an t-aitheantas sin agus an t-idirghníomhú sin a thabhairt do phobal na Gaeilge, le seirbhís nó áis ar bith eile a bheith againn ó lá go lá. Tá an raidió, an ceol, an cur i láthair, an caint, an tseirbhís nuachta agus díospóireacht a ligean sin ann, ach chomh maith leis sin tá an traenáil agus an spás sin chun teacht le chéile-----
No comments