Mr. Eoghan Ó Néill:

Is dócha go gcuirfidh sé isteach ar rudaí ar nós na scéime a bhí againn le daoine a chur ar fud na hEorpa. Tá cuid mhór neamhchinnteachta ag an phointe seo. Mar shampla, bhí muid páirteach i scéim ina raibh daoine ag dul ón stáisiún seo againne go dtí an Ostair agus go dtí Tír na mBascach ag amharc ar an obair atá ar bhun acusan. Cad é an chinnteacht atá ann faoi sin amach anseo? Beagán seans go mbeidh sé ann. Maidir le daoine atá ag déanamh Erasmus agus a bhíonn ag obair linn, ag an phointe seo tá an oiread sin neamhchinnteacht ann. Is cinnte go bhfuil sé ag cur le neamhchinnteacht.