Oireachtas Joint and Select Committees

Tuesday, 7 February 2017

Joint Standing Committee on the Irish Language, the Gaeltacht and the Islands

Radio Broadcasting: Raidió Rí-Rá

5:00 pm

Photo of Peadar TóibínPeadar Tóibín (Meath West, Sinn Fein) | Oireachtas source

Molaim na finnéithe as an méid oibre atá déanta acu. Tá sé go hiontach ó thaobh na Gaeilge agus tá sé go hiontach go bhfuil an deis seo á thabhairt do dhaoine óga teacht isteach chun cleachtadh a fháil ar an gcraoltóireacht. Beidh sé an-úsáideach dóibh agus cheapfainn go mbeadh spéis iontach acu ann. Ceapaimse go bhfuil sé dochreidte go bhfuil an méid sin craoltóireacht ag tarlú ach nach bhfuil rochtain ag an gcuid is mó againn air. Tá an stáisiún ag déanamh a dhícheall ach tá an tseirbhís saghas faoi cheilt. Tá sé i bhfolach ón gcuid is mó dúinn. Tá a fhios agam go bhfuil daoine ag éisteacht leis an stáisiún agus ag baint an-taitneamh as an tseirbhís ach tá sé ró-dheacair teacht air dóibh siúd i mo chontae, mar shampla, nach mbaineann úsáid as an gcóras craoladh fuaime digiteach, nó DAB, nó ríomhaire chun éisteacht leis an raidió.

An bhfuil a fhios ag na finnéithe cé mhéad éisteoirí in aghaidh na bliana atá ag an stáisiún? Bím i gcónaí ag iarraidh a fháil amach cé mhéad daoine atá ag éisteacht le Raidió na Gaeltachta ach ní chuirtear an t-eolas sin ar fáil. Aontaím go huile is go hiomlán go rachadh an chuid is mó den airgead a gheobhadh an stáisiún ar ais go RTE ar aon nós. Is saghas ciorcal airgid atá i gceist i ndáiríre.

Tá an-chuid oibre déanta ag Raidió Fáilte agus Raidió na Life. Conas nach féidir le Raidió Fáilte agus Raidió na Life oibriú le chéile agus ceadúnas tras-Teorainn a fháil ionas go mbeadh siad in ann craoladh gan a lán costais a bheith ann don tír? Gach uair a mbíonn an Ghaeilge á plé sna meáin chumarsáide, bíonn dream beag ag cuimhneamh faoi chostais agus ag rá cé chomh deacair is atá an Rialtas agus é ag brú an teanga thíos scórnach na ndaoine.

Leis an bhfírinne a rá, áfach, tá an-chuid éilimh ann agus ní chosnaíonn sé an-chuid airgid ar chor ar bith, ach tá an Rialtas agus an Stát ag cur bac ar fhás nádúrtha na teanga sa tír. Caithfimid é sin a athrú. Aontaím gur cheart don choiste rún a mholadh agus é ag rá gur cheart go mbeadh spás FM ag an dream seo agus go mbeadh an rún sin mar pholasaí traspháirtí ag an gcoiste. Ba mhaith liom an rún sin a chur síos. D'fhéadfaimid é sin a phlé nuair atá na haíonna imithe.

Ba mhaith liom go mbeadh litir ón gcoiste chuig an Aire, an Teachta Denis Naughten-----

Comments

No comments

Log in or join to post a public comment.