Seán Kyne (Galway West, Fine Gael) | Oireachtas source

Is comhréir atá ann ó 1999 ach tá mé sásta an cheist sin a phlé arís. Beimid in ann é sin a dhéanamh laistigh den Chomhairle Aireachta Thuaidh Theas ach níor chas mé leis an Aire Ó Muilleoir fós. Beidh ar an tAire Ó Muilleoir rudaí a réiteach leis an Aire Given maidir le buiséad Fhoras na Gaeilge ach tá a fhios agam go ndéanfaidh siad jab an-mhaith agus go bhfuil a lán grúpaí ag fáil airgid uathu - Gaelscoileanna, Gael Linn, Glór na nGael, Oireachtas na Gaeilge, Conradh na Gaeilge agus Cumann na bhFiann ina measc. Tá an-mheas agam ar Chonradh na Gaeilge agus an ról tábhachtach atá aige.