Trevor Ó Clochartaigh (Sinn Fein) | Oireachtas source

I gcomhthéacs na cuspóirí sonracha, is é an príomhaidhm ar a bhfuil daoine ag faire ná "an líon daoine a úsáideann an Ghaeilge gach lá [a ardú] ón leibhéal atá ann faoi láthair de thart ar 83,000 go 250,000". Cén sprioc atá ag an Rialtas le haghaidh an chéad daonáireamh eile? Cén t-ardú a bhfuil an Rialtas ag súil leis? Glacaim leis gurb é an daonáireamh an slat tomhais atá in úsáid ag an Rialtas. Cén t-ardú a bheidh tagtha ar an bhfigiúr reatha de 83,000 ag an gcéad daonáireamh eile agus muid ag dul i dtreo an sprioc de 250,000? Céard iad na céimeanna lena bhfuil an Rialtas ag súil sna daonáirimh idir seo agus 2020?