Dinny McGinley (Donegal South West, Fine Gael) | Oireachtas source

Níl sé ar obair ach le tamall anuas. Tá sé ar obair i gceantar an tSeanadóra agus i mo cheantar féin. Tá sé i gceist againn gach rud is féidir linn a dhéanamh chun an sprioc sin a bhaint amach. Tá sé sin ag tarlú. Cé go bhfuil acmhainní an-teoranta agus an-ghann, tá €500,000 d'airgead speisialta curtha ar fáil. Ní mórán é, ach ar a laghad is cuidiú é. Is aitheantas é don obair atá le déanamh agus an dúshlán atá romhainn. Beidh sé ina chuidiú againn agus muid ag iarraidh na pobail a thabhairt le chéile agus an sprioc a bhaint amach. Ar ndóigh, is straitéis 20 bliain é. Tá cúpla bliain imithe, ach tá tosnú déanta. Mar a dúirt mé, beidh leath na Gaeltachta eagraithe le pleananna teanga roimh dheireadh na bliana.