Dinny McGinley (Donegal South West, Fine Gael) | Oireachtas source

Is iad sin na cuspóirí ann. Tá sé mar mhóraidhm na straitéise líon na gcainteoirí dúchais sa Ghaeltacht a ardú 25%. Tá deacrachtaí uafásacha ag baint le sin. Tá breis agus 80,000 duine ina gcónaí sa Ghaeltacht. De réir an daonáirimh is déanaí, tá an Ghaeilge mar theanga laethúil ag 24,000 acu. Is uafásach an pictiúr é sin. Is dúshlán mór é an taoide a chasadh agus 6,000 cainteoir eile a chur le líon na gcainteoirí laethúla atá sa Ghaeltacht faoi láthair.