Seán Ó Cuirreáin:

Sin an rud atá ann. Tá míniú éagsúil tugtha faoi imeacht na blianta, go bhfuil stró ag baint le agus acmhainní ag teastáil le seo a dhéanamh. Is í fírinne an scéil gur gnó don Roinn é seo a dhéanamh, agus ní gnó domsa é. Mar sin, ní gá dóibh a mhíniú domsa cén fáth nach bhfuil sé ag tarlú. Is faoi na hAirí atá sé, faoin Aire Stáit sa chás seo, na scéimeanna a cheadú agus a dhaingniú. Ní thagann na scéimeanna ar aghaidh chugamsa go dtí go bhfuil sin tarlaithe.