Labhrás Ó Murchú (Fianna Fail) | Oireachtas source

Go raibh míle maith agat, a choimisinéir. Bhí ról lárnach ag an gcomhchoiste Oireachtais sa straitéis 20 bliain don Ghaeilge. Ghlacamar le comhairle ó beagnach 50 grúpa anseo agus in áiteanna eile. Chuaigh an chomhchoiste chomh fada le Conamara chun bualadh le breis agus 30 grúpa ansin. Bhí áthas croí ar dhaoine nuair a ceapadh Seán Ó Cuirreáin mar Choimisinéir Teanga. Thuigeadar go raibh sé dáiríre agus cumasach. Ní dóigh liom gur chothaigh sé conspóid riamh d'aon ghnó ionas go mbeadh conspóid ann. Tá na rudaí atá ráite anseo inniu thar a bheith bunúsach agus tábhachtach. Téann siad go dtí croí na straitéise. Is é sin an príomhrud. Is maith an rud é go bhfuil seans againn cuid de na hábhair seo a phlé le Seán Ó Cuirreáin agus ceisteanna a chur air.