Michael Mullins (Fine Gael)
Link to this: Individually | In context | Oireachtas source

I welcome the Minister of State, Deputy Joe McHugh, to the House and congratulate him on his recent appointment and wish him well over the next year and a half.

Trevor Ó Clochartaigh (Sinn Fein)
Link to this: Individually | In context | Oireachtas source

Cuirim céad fáilte roimh an Aire Stáit agus gabhaim comhghairdeas leis as ucht a cheapachán - tá a fhios agam go bhfuil sé ag tarraingt neart cainte. Bíodh sin mar atá, tá an tAire Stáit sa ról anois agus tá súil agam go n-éireoidh go maith leis ann. Táim cinnte go mbeidh muid i gcomhrá go minic sa Seanad ar an Athló.

Baineann an cheist atá á ardú agam anocht leis na haerstráicí ar an gCloigeann agus Inis Bó Finne i gContae na Gaillimhe. Mar atá a fhios againn, tá seirbhís aeir go dtí na hOileáin Árainn le blianta fada anuas. Éiríonn go maith le sin agus tá sé riachtanach go mbeadh a leithéid de sheirbhís ann. Tá an Roinn a bhfuil an tAire Stáit freagrach as tar éis tacaíochta a thabhairt dó sin agus tar éis geallúint go dtabharfaidh sé tacaíocht dó ar feadh bliana eile. Ach tá ceist agam maidir leis na haerstráicí ar an gCloigeann agus in Inis Bó Finne.

Bhí plean ann go mbeadh seirbhís, cosúil leis an seirbhís go hOileáin Árainn, ag imeacht ón gCloigeann go hInis Bó Finne, ach, faraor, níl sé sin chun tarlú faoi láthair. Bheadh duine ag rá, b'fhéidir, gur airgead amú mar sin a bhí sna haerstráicí. Ach is léir go gceapann daoine eile nach bhfuil an t-airgead imithe amú agus go bhfuil úsáid gur féidir a bhaint astu, go háirithe an ceann ar an gCloigeann. Tuigtear dom go raibh Garda Cósta na hÉireann ag féachaint ar an suíomh sin. Tá an ceantar sin iargúlta, ach tá riachtanais go leor ann ó thaobh an Aerchóir agus ó thaobh cúrsaí sláinte agus mar sin de. Dá mbeadh aon duine tinn, d'fhéadfaidís túirlingt in áit cosúil leis an gCloigeann. Tá a fhios agam freisin go bhfuil daoine príobháideacha chomh maith ag léiriú suime san aerstráice agus sna foirgnimh atá ann.

Tuigtear dom gur leis an Roinn iad na haerstráicí seo. Cén plean atá ag an Roinn maidir leis na haerstráicí sin. An bhfuil sé chun iad a dhíol, cé leis an bhfuil sé ag caint agus an féidir tuairimí an phobail a thógáil san áireamh maidir leis na pleananna atá i gceist? Má tá úsáid phobail, ar nós úsáid do Garda Cósta na hÉireann, gur féidir a bhaint astu, ba cheart go dtógfaí sin san áireamh

Joe McHugh (Donegal North East, Fine Gael)
Link to this: Individually | In context | Oireachtas source

Ar maidin, bhí strus agus brú orm, ach anois um tráthnóna tá mé réidh.

Tá áthas orm an deis seo a fháil an t-ábhar tábhachtach seo a phlé anseo sa Seanad inniu. Ba dheas liom i dtús báire cúlra an scéil a mhíniú don Seanad. In 2001, rinneadh Ollscoil Cranfield staidéar neamhspleách ar na seirbhísí aeir chuig na hoileáin thar ceann na Roinne. Rinneadh moladh sa tuarascáil sin do sheirbhís aeir idir Inis Bó Finne agus an Clochán i gContae na Gaillimhe. Mar thoradh ar sin, tógadh cinneadh rúidbhealaí a thógáil chun go bhféadfaí seirbhís aeir a sholáthar. Ar ndóigh, ní miste a nótáil go bhfuil seirbhís farantóireachta do phaisinéirí agus seirbhís lastais chuig Inis Bó Finne a maoiniú ag an Roinn i rith an ama.

Mar chúlra ar an scéal, bhí réamhobair ar siúl d'fhorbairt na n-aeradróm chomh fada siar leis na nóchaidí. Ag amanna éagsula, bhí plé ag Údarás na Gaeltachta agus ag Comhairle Contae na Gaillimhe leis na forbairtí sin. I ndiaidh cur agus cúiteamh, socraíodh go nglacfadh an Roinn seilbh ar na haeradróim agus ceannaíodh na suíomhanna dá réir. I gcás an aeradróim ar an gClochán, tá an suíomh i seilbh na Roinne. I gcás an aeradróim ar Inis Bó Finne, ceannaíodh an talamh seo trí ordú ceannaigh éigeantaigh le comhoibriú ó Chomhairle Contae na Gaillimhe. Níl an talamh seo aistrithe go hoifigiúil chuig an Roinn on gcomhairle go fóill agus tá an Roinn ag obair leis an gcomhairle chun é seo a dhéanamh. Tuigtear dom go bhfuil €8.6 milliún caite ar na rúidbhealaí go dáta, idir ceannach na talún agus forbairt an bhonneagair ar na suíomhanna ag Inis Bó Finne agus ar an gClochán. Ta céim a haon den phróiseas chun ceadúnas a fháil do na haeradróim curtha i gcrích ag an bpointe seo agus tá cead pleanála faighte do chríochfoirt ar an da shuíomh.

Mar gheall ar an gcúlú eacnamaíoch agus i bhfianaise an bhrú atá ar sholáthar na Roinne, tógadh cinneadh i mí lúil anuraidh gan dul ar aghaidh leis na forbairtí ar an dá shuíomh agus go ndéanfaí socruithe chun na suíomhanna a chur de láimh. Níl cinneadh criochnúil déanta ag an Roinn go fóill faoin mbealach is fearr chun é seo a dhéanamh. Go bunúsach, feictear dom go bhfuil dhá rogha anseo, is iad sin na haerstráicí a chur ar léas fadtearmach nó iad a dhíol. Tá an dá rogha á meas ag an Roinn i láthair na huaire. Ni miste a rá go bhfuil roinnt teagmháil neamhfhoirmiúil déanta ag páirtithe éagsúla leis an Roinn mar gheall ar na haerstráicí. Cé nach bhfuil cinneadh tógtha go fóill, is féidir leis an Teach seo a bheith cinnte go dtabharfar faoi na haerstráicí seo a chur de láimh trí phroiseas oscailte soláthar poiblí.

Trevor Ó Clochartaigh (Sinn Fein)
Link to this: Individually | In context | Oireachtas source

Táim an-bhuíoch as an bhfreagra sin. Is scéal maith é go bhfuil an obair fós ar siúl agus nach bhfuil an cinneadh glactha go hiomlán. An mbeadh an tAire sásta bualadh leis na páirtithe éagsúla a bhfuil suim acu sa scéal seo, go háirithe Garda Cósta na hÉireann? Measann daoine sa gceantar go mbeadh sé an-tábhachtach go mbeadh seirbhís dá mhacasamhail ann. B'fhéidir go bhfuil féidireacht ann an t-aerstráice a bheith oscailte, ó thaobh turasóireachta de. Tuigtear dom go bhfuil grúpaí éagsúla ag rá go bhféadfadh siad an t-aerstráice a rith mar aerfor tráchtála, i gcomhar le Garda Cósta na hÉireann agus go bhféadfadh na rudaí éagsúla tarlú ag an am céanna. Bheadh sin iontach úsáideach. Dá mbeadh an tAire Stáit sásta bualadh leis na daoine seo ag am feiliúnach chun na ceisteann seo a phlé, bheadh sin an-chuiditheach.

Joe McHugh (Donegal North East, Fine Gael)
Link to this: Individually | In context | Oireachtas source

Go raibh maith agat.

If there are options it would be important to feed them through. It is important to ensure that the two options available at the moment are up for discussion, namely, the possible lease or the possible sale. No decision has been made. Some €8.6 million has been invested in two airstrips. Beidh mo dhoras oscailte le haghaidh aon phlean. The constraints on my Department are economic and financial. We have €5.6 million to spend on all ferry, cargo and air services. There are constraints but I would be interested in the Senator forwarding suggestions or working with the group. If there are plans for the coast guard I will examine them.