Written answers
Tuesday, 5 December 2023
Department of Culture, Heritage and the Gaeltacht
Scéimeanna Tacaíochta Gaeilge
Éamon Ó Cuív (Galway West, Fianna Fail)
Link to this: Individually | In context | Oireachtas source
72. To ask the Minister for Culture, Heritage and the Gaeltacht cén líon scoláirí a d’fhreastail ar chúrsaí faoi Scéim na bhFoghlaimeoirí Gaeilge in 2019, 2022 agus 2023; cén líon teaghlach a choinnigh scoláirí a bhí cláraithe leis an scéim do na blianta sin; cé mhéad airgead a d’íoc an Roinn amach leo sin gach bliain acu sin, leagus 2023 go dtí seo san áireamh; cén deontas in aghaidh na hoíche a bhí i gceist i ngach cás; agus an ndéanfaidh sí ráiteas ina thaobh. [53491/23]
Patrick O'Donovan (Limerick County, Fine Gael)
Link to this: Individually | In context | Oireachtas source
Tugann an tábla thíos léargas ar statisticí Scéim na bhFoghlaimeoirí Gaeilge ó 2019 go 2023, ina n-áirítear an líon scoláire a d'fhreastail ar gach cúrsa agus an líon teaghlach atá cláraithe faoin scéim agus a chuir lóistín ar fáil sna blianta sin.
Scéim na bhFoghlaimeoirí Gaeilge | 2019 | 2022 | 2023 |
|---|---|---|---|
| Líon scoláirí | 27,032 | 25416 | 26,835 |
| Líon Teaghlaigh a choinnigh scoláirí | 648 | 495 | 511 |
| Caiteachas na Roinne | €4,487,770 | €3,892,955 | €4,623,549* |
*caiteachas go dáta (2023) le teaghlaigh cláraithe agus a choinnigh scoláire ar íostas faoin scéim.
Tacaíonn mo Roinn le hearnáil na gcoláistí Gaeilge, earnáil a bhíonn ag feidhmiú ar bhonn tráchtála go príomha, trí dheontais laethúla a chur ar fáil do theaghlaigh cáilithe Ghaeltachta a chuireann lóistín ar fáil do scoláirí a bhíonn ag freastal ar na coláistí. Is ioncam é seo atá saor ó cháin-ioncaim agus atá sa bhreis ar an ioncam a fhaigheann na teaghlaigh ó na coláistí féin.
Go ginearálta, is é an cóimheas oibre don íocaíocht seo ná do gach euro a íocann mo Roinn le teaghlaigh atá aitheanta faoin scéim, íocann na coláistí timpeall €1.20. Is iad na coláistí féin a shocraíonn na rátaí seo agus níl aon ról ag mo Roinn ann.
Tháinig méadú de 20% ó €10 go €12 ar an deontas laethúil atá iníoctha ag mo Roinn le teaghlaigh aitheanta na scéime a chuireann lóistín ar fáil ó thús na bliana 2022.
Anuas air seo, ardaíodh an deontas tosaithe aonuaire do theaghlaigh nua atá ag lorg aitheantais faoin scéim faoi 300% in 2022 ó €2,000 go €6,000. Leathnaíodh scóip an deontais freisin chun costais tosaithe riachtanacha breise a chlúdach ann. Méadaíodh chomh maith i mbliana ó 12 go 16 an t-uasmhéid scoláirí a bhfuil cead ag aon teaghlaigh a choinneáil.
Is údar sásaimh don Roinn go raibh, de bharr na mbeartas éagsúla atá curtha i bhfeidhm aici le dhá bhliain anuas, an líon scoláirí a thug cuairt ar an nGaeltacht i mbliana nach mór ar chomhchéim le figiúr 2019.
Is mar seo a leanas an ráta íocaíochta a rinneadh leis na teaghlaigh a chuir lóistín ar fáil faoin scéim idir 2019 - 2023:-
Deontas laethúil | Ráta 2019 | Ardú tugtha [10 Márta 2022] | Ardú tugtha [D. Fómhair 2022] | Ráta 2023 |
|---|---|---|---|---|
| Gnáthchúrsaí | €10 | €11 | €12 | €12 |
| Brú/lóistín coláiste | €5 | €6 | €7 | €7 |
| Erasmus | €17 | €19 | €21 | €21 |
| Árainn Gaeltacht | €27 | €30 | €33 | €33 |
Ní gá a lua go leanfar ag breathnú ar bhealaí breise le cabhrú tuilleadh leis an earnáil amach anseo.
No comments