Ta mé sé bliana ag plé leis an mBille seo. Bóthar fada, fadálach anróiteach a bhí i gceist. Ní jab éasca teacht ar na foirmlí cearta a bheadh réalaíoch ar lámh amháin agus, ar an dtaobh eile den scéal, a thabharfadh stádas don Ghaeilge nach raibh aici go dtí seo. Chuidigh go leor daoine liom ar an mbealach. Bhí dream dílis ag obair sa Roinn ar an mBille seo le fada an lá agus de réir mar a chuaigh daoine ar aghaidh go dtí postanna eile tháinig dream eile a thóg an cúram orthu féin. Rinneadh éacht oibre thar tréimhse sé bliana le seo a thabhairt go dtí an lá go mbeidh seo rite ag an dá Theach den Oireachtas.