Aengus Ó Snodaigh (Dublin South Central, Sinn Fein) | Oireachtas source

Tá ceist agam maidir leis seo agus is é seo ceann de na rudaí atá gafa chomh maith le leasú atá agam níos sia ar aghaidh. Tá míniú á thabhairt anseo maidir le comhaltaí ceaptha. Táim den tuairim nár chóir go mbeadh comhaltaí ceaptha ach gur comhaltaí tofa a bheadh i gceist. Ar líne 11, ar leathanach 9 den Bhille luaitear i lúibíní: “ciallaíonn ‘comhalta ceaptha’ comhalta dá dtagraítear in alt 6(2)(a)”. Is é sin an ceann atá i gceist agam i leasú Uimh. 2. Is é sin an fáth go mbeadh sé i gceist agam leasú a chur síos ar Chéim na Tuarascála chun déileáil leis seo ag an staid sin seachas díreach ar an gCéim atá luaite i leasú Uimh 2.

See this speech in context