Micheál Martin (Cork South-Central, Fianna Fail) | Oireachtas source

Is suimiúil go raibh an taithí sin ag an Teachta nuair a bhí sé ina mhéara. B’fhéidir go léiríonn sé go bhfuil orainn i bhfad níos mó a dhéanamh ó thaobh tacaíochta a thabhairt do na grúpaí áirithe ar fud na tíre agus i measc an phobail i gcoitinne. Tá mé sásta bualadh leis na hAirí Gaeltachta agus Oideachais agus leis an Rialtas i gcoitinne faoi conas is féidir níos mó tacaíochta a thabhairt do ghrúpaí den saghas sin a luaigh an Teachta chun an Ghaeilge a labhairt. B’fhéidir go gcaithfear áiseanna a chur ar fáil dóibh chun a bheith níos compordaí agus níos muiníní as an nGaeilge a úsáid go rialta mar tá fonn orthu. Tuigeann siad go bhfuil nasc idir cumas na Gaeilge agus a bheith mar Éireannach nua, mar a dúirt an Teachta é féin.

See this speech in context