Aengus Ó Snodaigh (Dublin South Central, Sinn Fein) | Oireachtas source

Tuigim go bhfuil an t-údarás neamhspleách ach sa deireadh thiar thall, ní féidir leo obair a dhéanamh agus ní féidir leis an réimse seo de na meáin chumarsáide tarlú, má tá sé le tarlú, gan tacaíocht Rialtais nó infheistíocht Rialtais. Tá an dá rud ceangailte go huile agus go hiomlán. Tá mise ag impí ar an Aire agus ar an Rialtas a chinntiú, nuair atá an tuairisc ann, go mbeidh tacaíocht ann ón Rialtas do pé cinntí atá le tógáil mar is léir dúinn cheana féin go bhfuil spéis ag daoine óga in ábhar as Gaeilge. Is léir sin ón dul chun cinn mór atá déanta ó thaobh TG4 agus Cúla4. Táim ag fiafraí nach mbeidh aon mhoill ar aon infheistiú nó aon ghníomhú de réir na tuarascála lena bhfuilimid ag súil i mí Feabhra anois.

See this speech in context