Dáil debates
Wednesday, 28 April 2021
Ceisteanna Eile - Other Questions
Comhairle Aireachta Thuaidh-Theas
8:30 pm
Jack Chambers (Dublin West, Fianna Fail) | Oireachtas source
Tuigim go bhfuil an tAcht seo an-tábhachtach don phobal. Maidir leis an Acht teanga, tá Rialtas na hÉireann tiomanta don reachtaíocht thábhachtach seo a bheith tugtha chun cinn. Tá ceist na reachtaíochta seo ardaithe go minic ag mo chomhghleacaí, an tAire Gnóthaí Eachtracha, leis na húdaráis ó Thuaidh agus leanfar á dhéanamh sin go dtí go bhfeictear toradh ar ár gcuid iarrachtaí. Tá lucht labhartha na Gaeilge sa Tuaisceart, dar ndóigh, ag éileamh le fada an lá go mbeadh Acht Teanga acu agus ba mhaith liomsa, mar Aire Stáit, gach rud gur féidir liom a dhéanamh ar mhaithe le tacú le comhlíonadh an ghealltanais sin.
No comments