Jack Chambers (Dublin West, Fianna Fail) | Oireachtas source

Mar a dúirt an Teachta Moynihan, tuigim go bhfuil an brú ann agus go bhfuil an cheist seo an-tábhachtach ach bhí sé thar a bheith tábhachtach domsa agus don Roinn go mbeadh deis againn labhairt le hionadaíocht na mná tí an tseachtain seo caite agus cloisteáil go díreach uathu sula ndéanfaí aon chinneadh faoi seo ar fad.

Chuir an Roinn tacaíocht de €4.7 milliún ar fáil anuraidh. Bhí sé dírithe ar an sprioc go mbeimis in ann earnáil na gcoláistí samhraidh Gaeilge a choinneáil. Ó bunaíodh an Rialtas seo, tá an tAire, an Teachta Catherine Martin, agus mé féin ag obair gan staonadh lenár gcomhleacaithe sa Rialtas chun an chuid is measa de thioncar Covid-19 a mhaolú. Mar a dúirt mé, bhí cruinnithe againn an tseachtain seo caite agus tá próiseas ar súil. Chualamar an méid a bhí le rá ag na mná tí. Bhí an Roinn i dteagmháil le CONCOS freisin. Tuigim go bhfuil an cheist seo an-tábhachtach ag an am seo. Tuigim go bhfuil sé an-tábhachtach an cheist seo a fhreagairt go luath. Beimid i dteagmháil leis na mná tí agus le pobal na Gaeltachta go luath chun na freagraí sin a thabhart dóibh. Tá an próiseas atá ann an-tábhachtach freisin.

See this speech in context