Aengus Ó Snodaigh (Dublin South Central, Sinn Fein)

Dúirt an tAire sa choiste nach raibh aon deifir orainn maidir leis na rialacháin seo agus nár ghá dóibh a bheith rite chomh tapaidh is atá i gceist leis an rún os ár gcomhair. Iarraim ar an Aire an rún a athrú ionas go dtiocfaimid ar ais, mar a dúirt an Teachta Sargent, am éigin i mí Eanáir nó mí Feabhra. Thabharfadh sé sin go leor ama dúinn déileáil leis sa choiste. Más gá, is féidir linn déileáil leis sa Dáil, mar a lorg mé i dtosach báire, nuair a ritheadh an rún chun é a chur go dtí an coiste.

See this speech in context