Mr. Séamas Ó Concheanainn:

Is mian liom mo bhuíochas a ghabháil le hÓrla de Búrca. D’oibrigh sí leis an triúr Coimisinéir Teanga, Seán Ó Cuirreáin, Rónán Ó Domhnaill agus mé féin, ó bunaíodh an oifig. Bhí sí ann ón tús. Tá an stair uilig aici. Tá saothar eisceachtúil agus sainscileanna dochreidte aici. Is í an imní atá orainn anois ná cén chaoi a bhfeidhmeoidh an oifig. Tá oidhreacht fhíorshaibhir fágtha ag Órla agus is mian liom mo bhuíochas a chur in iúl di as an obair sin.