Evanne Ní Chuilinn (Fine Gael) | Oireachtas source

Tá ceist amháin eile agam. Luaigh an Coimisinéir Teanga go mbeadh aonad á bhunú nó go mbeadh droichead éigin ann idir an plean leis an sprioc 20% agus an cur i bhfeidhm. An dóigh leis go mbeadh an córas oideachais in ann feidhmiú mar dhroichead? Luaigh sé muintir na Gaeltachta. Ní féidir brath ar mhuintir na Gaeltachta chun na poist seo ar fad a dhéanamh. Ní as an nGaeltacht dom ná do chuid mhaith daoine ar an gcomhchoiste seo, ach tá Gaeilge againn. Tá an-tábhacht ag baint leis an gcóras oideachais. Tá sé sin luaite ag mo chomhghleacaí freisin. An mbíonn deis ag Oifig an Choimisinéara Teanga plé leis an Roinn oideachais nó leis an Aire, an Teachta McEntee?