Mr. Tomás Ó Síocháin:

D'ardaíodh an cheist sin go sonrach Déardaoin seo caite nuair a tháinig na comhairlí contae ar fad le chéile leis an Aire, an Teachta Calleary. Tá sé ráite ag an Aire go gcaithfimid a bheith an-chúramach maidir leis na cúraimí sin ó thaobh na Gaeilge de agus go bhfuil an obair sin ar bun. In ainneoin an méid atá ag tarlú faoi láthair agus an méid a tharla go dtí seo, feictear dom go bhfuil sé ar chlár oibre an grúpa sin de phríomhfheidhmeannaigh comhairlí áitiúla atá ag teacht le chéile go mbeadh cur chuige caighdeánach ann sna háiteanna a bhfuil ceantair Ghaeltachta iontu agus go mbeadh monatóireacht chaighdeánach á déanamh. Níl aon fhadhb ag an údarás. Is é sin an fáth go bhfuilimid sa chruinniú sin. Táimid sásta tacaíocht a chur ar fáil, comhairle a chur ar fáil agus a bheith lárnach sa phróiseas sin. Mar a luaigh mé-----