Seán Kyne (Fine Gael) | Oireachtas source

Maidir le hobair na boird oideachais agus oiliúna, an gceapann an tAire gur chóir go mbeadh daoine sinsearacha le Gaeilge ar na boird nuair atá siad ag déileáil leis na Gaeltachtaí agus scoileanna sna Gaeltachtaí? Tá sé ráite nach bhfuil orthu daoine atá líofa sa Ghaeilge a earcú le haghaidh poist stiúrtha sinsearacha. Mar shampla, bhí muid ag déileáil le Bord Oideachais agus Oiliúna na Gaillimhe agus Ros Comáin le déanaí agus thug an príomhfheidhmeannach le fios nár ghá don bhord daoine atá líofa sa Ghaeilge a earcú, cé go bhfuil dualgas ar an ETB bheith ag plé le scoileanna sna Gaeltachtaí.