Ruairí Ó Murchú (Louth, Sinn Fein) | Oireachtas source

Más rud é go bhfuil muid ag caint ar Ghaeloideachas, agus tá mé ag caint faoi achan rud ó naíonraí, bunscoileanna agus meánscoileanna go dtí na coláistí, cad é an polasaí nó an plean ina leith? Is dócha go bhfuil plean de dhíth mar gheall air seo agus córas a chur i bhfeidhm chun é seo a chur i bhfeidhm.

Bhí an tAire ag caint faoi scoileanna satailíte. Tá ceann acu i nDún Dealgan faoin am seo, is í sin Gaelcholáiste Dhún Dealgan. Tá Coláiste Ghlór na Mara i mBaile Brigín fosta. Tá cuid mhór tacaíochta de dhíth, áfach, agus cuid mhór le déanamh ag an Roinn chun córas ceart a chur i bhfeidhm chun go mbeidh níos mó tacaíochta ann don Ghaeloideachas agus chun go mbeidh daoine in ann Gaeilge a labhairt ón naíonra go dtí an coláiste.