Ruairí Ó Murchú (Louth, Sinn Fein) | Oireachtas source

Tá mé ag iarraidh déileáil le coláistí samhraidh agus mná tí. Tá líon na mban tí sa Ghaeltacht tar éis titim 30% ó 2017. An aithníonn an tAire go bhfuil luach ar leith ag baint le gach bean an tí agus go gcailleann daltaí agus an tír amach ar shaibhreas agus luach na teanga gach uair a éiríonn duine acu as? An aithníonn an tAire go bhfuil géarchéim ann? An bhfuil plean aici chun mná tí a chóiméad agus a mhealladh ar ais? An mbeidh sí sásta scéim fhoghlaim na Gaeilge a ardú fosta?

Tá mé ag caint faoi thacaíocht fosta. Ó tharla Covid-19, agus i gcomhthéacs líon na mban tí ag titim agus an costas maireachtála ag ardú, tá sé deacair do choláistí samhraidh Ghaeltachta coinneáil ag feidhmiú. An bhfuil an tAire sásta an deontas caipitíochta do choláistí samhraidh a thabhairt ar ais? Is í sin mo chéad cheist.