Catherine Connolly (Galway West, Independent) | Oireachtas source

Maidir le daoine le míchumas nó deacrachtaí, is dócha go bhfuil an córas oideachais ag breathnú ar Ghaeilge mar mhíbhuntáiste seachas buntáiste. Is buntáiste é a bheith dátheangach nó trítheangach. Tá meon ann i dtaobh na Gaeilge nach bhfuil cabhrach. Bhí saineolaí os ár gcomhair agus chuir siad in iúl go bhfuil gach páiste in ann foghlaim leis na tacaíochtaí cuí. Easpa tacaíochtaí cuí do dhaoine le míchumas nó deacrachtaí foghlama is ea an easpa atá ann. Tá sé ró-éasca díolúine a fháil don ábhar Gaeilge. Sin pointe amháin. Pointe eile ná nach ndearna 23% de dhaltaí Gaeilge san ardteist. Sin figiúr thar a bheith ard. Tá neart ceisteanna eile agam agus tiocfaidh mé ar ais chucu. Tabharfaidh mé deis do na Teachtaí Dála eile teacht isteach.