Aengus Ó Snodaigh (Dublin South Central, Sinn Fein) | Oireachtas source

Tá ceist eile agam. Tiocfaidh mé ar ais chuig an ábhar sin, b'fhéidir. Scríobh Éireannach chugam inné ó Cheanada. Dúirt liom go mbíonn, i roinnt ceantair i gCeanada, lá amháin ag na daltaí tríd an Fhraincis agus lá eile i mBéarla. Is é sin an bealach ina gcuireann siad an tumoideachas ar fáil sa dá theanga. Ba cheart go mbeadh gach uile múinteoir ar ardchaighdeán sa dá theanga ionas go mbeidís in ann léim ó theanga amháin go dtí teanga eile. Nuair atá na daltaí críochnaithe, tá siad líofa sa dá theanga i ngach uile ábhar. Tá stair acu sa Fhraincis ar lá amháin agus sa Bhéarla ar lá eile.