Aengus Ó Snodaigh (Dublin South Central, Sinn Fein) | Oireachtas source

Tuigeann mise an sórt sáinn atá luaite ag David Leahy ach mura ndeir duine éigin leis an Roinn go bhfuil a ciorclán mícheart nó go bhfuil siad ag teacht salach ar an dlí, ní ar GRETB a bheidh an locht, ach ar an Roinn. Is féidir linn é seo a fhágáil don Choimisinéir Teanga, nó is féidir linn déileáil leis trí chuireadh a thabhairt don Roinn teacht os ár gcomhair. Ba fhearr liom ag an stad seo é a thabhairt don Choimisinéir Teanga ar eagla go gcaillfear é má tá toghchán nó rud éigin amach anseo. Dhéanfadh sé sin an dualgas atá ar GRETB a shoiléiriú dó agus dúinn. I mo thuairim, fad is atá scéim ann, tá an scéim chomh láidir nó níos láidre ná ciorclán, toisc go mbaineann sé le heagraíocht faoi leith agus go bhfuil sé sínithe agus glactha ag Aire na Gaeltachta