Aengus Ó Snodaigh (Dublin South Central, Sinn Fein) | Oireachtas source

Nuair a bhí TG4 os ár gcomhair, bhí siad ag iarraidh bogadh i dtreo €80 milliún sa bhliain, nó níos mó ná sin, bunaithe ar S4C agus a leithéid. Bheadh TG4 in ann é sin a chaitheamh an-éasca agus fás a dhéanamh dá réir.

Luaigh an conradh go bhfuil Foras na Gaeilge ag bogadh chun cinn, ach cén figiúr a bheadh i gceist ionas go mbeadh an ráta céanna fáis acu is atá ag an gComhairle Ealaíon? An é €17 milliún méid airgid atá i gceist faoi láthair? An é €50 milliún an méid a bheadh i gceist?