Ms Siubhán Nic Grianna:

Faoi Lúnasa na bliana seo chugainn, beidh trí phlean ag dul isteach. Beidh tréimhse seacht mbliana tosaithe acu. Ag amharc ar na staitisticí, mar a dúirt mé, tá 70% de na limistéir pleanála teanga i mbliain a chúig nó níos mó. Tá deich limistéar atá ag dul isteach nó atá i mbliain a sé faoi láthair. Nuair a amharcann tú air mar sin, tá níos mó acu i dtréimhse feidhmiúcháin cúig bliana nó níos mó ná mar atá ar an taobh eile. Is é sin an stad ina bhfuil siad.