Éamon Ó Cuív (Galway West, Fianna Fail) | Oireachtas source

Is an-smaoineamh é sin. Is rud mar sin atá i gceist agamsa. Céard is ea ceantar réasúnta le haghaidh cathair? San áit ina bhfuil cónaí orm anois, ní cheapfadh éinne gur tada é dul 10 míle nó 15 míle ar scoil, ach tá sé sin difriúil toisc go bhfuil an pobal scaipthe. Istigh i gcathair, ní tharlaíonn sé sin. Is é sin an fáth go bhfuil mé á rá. Tá Simon Ó Donnabháin tar éis an-smaoineamh go deo a thabhairt don choiste maidir leis an gcathair 15 nóiméad. Tá súil agam go bhfuil muid tar éis nóta a dhéanamh faoi sin. Chomh fada is gur féidir, ba chóir go mbeadh scoil laistigh de 15 nóiméad de chuile dhuine agus muid ag bunú an chathair 15 nóiméad. Is an-smaoineamh é.