Ms Cabr?n? de Barra:

Níl argóint ar bith agam le haon rud atá ráite ag duine ar bith. Is dócha go bhféadfainn a rá, sna Déise, tá an t-ádh dearg linn go bhfuil dlúthbhaint idir an dá eagraíocht, is iad sin, Dún Garbhán le Gaeilge agus Comhlucht Forbartha na nDéise. Tá daoine ón dá chomhlacht ar an dá eagraíocht. Bíonn maorlathas á fháil ag an dá cheann acu uaimse. Is rud é sin a rinneamar go háitiúil. Ní dhearna aon duine eile é sin. Is muid a rinne é sin go háitiúil mar thuigeamar go raibh sé thar a bheith tábhachtach go mbeadh tacaíocht ar fáil ag gach uile duine. Tá sé de chead agus de cheart ag daoine go mbeadh tacaíocht ann agus deis acu chomhoibriú lena chéile. Bíonn an beirt acu taobh amuigh agus taobh istigh den Ghaeltacht ag comhoibriú lena chéile go laethúil. Bíonn cruinnithe againn go seachtainiúil. Tá féile bheag teaghlaigh agus pobail ar siúl idir an mbeirt acu. Tá dhá ócáid ag deireadh na míosa seo. Tá dhá ócáid i nGaeltacht na nDéise agus dhá ócáid i nDún Garbhán. Ag deireadh an lae, is an pobal ceannann céanna muid. Níl muid ag brath ar an Stát chun é sin a dhéanamh. Is muid a rinne é sin ach ní bheadh aon argóint agam ó thaobh an chórais ar a bhfuil muid ag freagairt, is é sin, go bhfuil dhá boss éagsúil ann.