Dr. Victor Bayda:

Is féidir liom an cheist mar gheall air oifigeach óige a fhreagairt mar is é sin atá sa phlean teanga againn, go bhfostófaí óifigeach óige trí Kerry ETB le maoiniú ón Roinn leanaí. Luaigh mé é sin agus ní rachaidh mé isteach sa scéal mórán. Go dtí seo, níor éirigh linn an t-airgead a fháil ón Roinn leanaí mar níl an t-airgead sa plean teanga féin. Fiú dá mbeadh, mar a luaigh mé cheana tá coinníoll ag baint leis an mbuiséad pleanála teanga nach féidir ach duine amháin, inár gcás féin, a fhostú, mar sin ní fhéadfaimis é a dhéanamh leis an airgead sin.