Mr. M?che?l ? Leidhin:

Ba mhaith liom a rá gur dea-rud é go bhfuil próiseas pleanála teanga ann agus tá deiseanna ann anois nach raibh ann deich mbliana nó 15 bhliain ó shin. Is dóigh liom go dtugann sé deiseanna agus oscailt dúinn rudaí a bhrú ar aghaidh. Mar a luaigh an Dr. Bayda agus na hoifigigh pleanála teanga eile, is ceist acmhainní agus airgid í ach tá rudaí eile ann cosúil le riaracháin agus maorlathas. D’fhéadfaí iad a chur ina gceart dá mbeadh an toil ann nó an chomhoibriú atá de dhíth idir na heagraíochtaí atá sáite sa phróiseas. Is dóigh liom go dtagann sé sin ó na ceanneagraíochtaí féin. Is mian liom é a chur faoi bhráid an choiste go bhfuil rudaí go bhféadfaí iad a chur ina gceart gan airgead. Is é sin go bunúsach é.