Mr. Miche?l Mac Aoidh:

Cuirfidh mé leis an méid a dúirt an Dr. Bayda. Mar a dúirt mé nío luaithe, ní dóigh liom go bhfuil an stádas nó an chéim cheart againn. Níl guth, glór nó tionchar againn ar an bpróiseas pleanála teanga ag leibhéal áirithe. Tá, b'fhéidir, ag an leibhéal áitiúil. Deir na saineolaithe uilig gur próiseas ón mbun aníos atá ann, ach tá sé go hiomlán ón mbarr anuas. Níl tionchar, guth nó glór againn. Uaireanta, ní éistear linn agus ceapaim gur deacracht mhór é sin. Is é an focal atá ag teacht suas go minic ná “comhtháthú”. Níl comhtháthú á dhéanamh ag na leibhéil níos airde ná muid. Tá daoine ag obair go neamhspleách agus níl siad ag obair linn.