Ms Carmel Nic Airt:

Tá triúr i mbliana. Bhí ceathrar agus tá triúr anois ann. Go stairiúil, théidís go dtí an meánscoil i Ros Ó gCairbre. Bhí córas ansin. Nuair a bunaíodh an t-aonad, tháinig siad ar fad go dtí an t-aonad i gCloich na Coillte. Bhíodar ag cur fúthu i gCloich na Coillte i rith na seachtaine. Roghnaigh 100% de leanaí ó Oileán Chléire scolaíocht lán-Ghaeilge nuair a bhí sé ar fáil dóibh. Anois, tá triúr ar rolla na scoile. Tá siad ag teacht isteach ar an mórthír. Tá siad ag dul go Ros Ó gCairbre fós mar tá siad in ann fanacht ann thar oíche. Tógann siad tigh ann ar cíos don bhliain. Tagann duine éigin amach ón oileán chun fanacht sa tigh leo. Is é sin mar atá sé fós. Níl freastal á dhéanamh ar pháistí Oileán Chléire ó bunaíodh an Stát.