Mr. Caoimh?n ? hEaghra:

Fuair siad tacaíocht. Bhí an eagraíocht Gaelscoileanna ar an bhfód sna nóchaidí agus ansin bunaíodh an foras. Fuair siad tacaíocht ón dá eagraíocht sin chun iarratas a dhéanamh ar an Roinn agus fuair siad aitheantas sealadach mar scoil. Más rud é gur fhás an scoil agus go raibh sé inmharthana, tugadh aitheantas buan dóibh. Thiocfadh an Stát isteach agus chuirfeadh sé maoiniú ar fáil chun cíos a íoc ar fhoirgneamh, d'íocfadh sé pá múinteoirí agus d'fhásfadh an scoil. Bhí sé sin ag fás aníos ón talamh. Ní raibh aon stiúir ná lámh ag an Rialtas i spreagadh bhunú na scoileanna sin. De bharr an chúlaithe eacnamaíochta a tharla in 2008 nó 2009, tháinig córas nua isteach inar chinn an Roinn nach mbunófaí aon scoil mura raibh fás sa daonra sa gceantar sin agus nach raibh an líon scoileanna a bhí ann in ann freastal ar an bhfás sin.