Éamon Ó Cuív (Galway West, Fianna Fail) | Oireachtas source

Le blianta, bhí mé i gcónaí cineál amhrasach faoi na mórpholasaithe seo. Is ceann de na fáthanna nach raibh polasaí oileánda nua ón Státseirbhís nuair a bhí mé mar Aire é sin. Bhí mo pholasaí agam agus ní raibh a fhios agam cad a bhí mé le dul a dhéanamh. Thógfadh sé dhá nó trí bliana agus is copy and paste de na rudaí a bhí ar bun ag na Ranna Stáit a bheadh ann. Go deimhin, ceithre nó cúig bhliain ó shin, dúradh go réiteofaí polasaí do na hoileáin. Tháinig sé amach agus ní raibh tada ann ach díreach na rudaí a bhí ar bun cheana féin ag an Stát. Ní raibh aon rud ann le freastal ar na riachtanais atá ar na hoileáin. Tá Cormac McCashin tar éis leid a thabhairt gurb é sin atá le tharla leis an bpolasaí oideachais. Dá mba rud é go raibh sé leagtha síos gur aontaigh muid ar rud amháin, cuir the bloody policy ar leataobh agus déan na rudaí: a haon, a dó, a trí, a ceathair. Is é sin an méid. Bhainfeadh sé sin níos mó amach. Táim ag éirí soiniciúil. Tagann an tAire isteach. Tá an tAire lán le fuinneamh agus ag iarraidh polasaí nua. Faoin am atá an polasaí nua ann, beidh an tAire sin imithe. Is cynic's guide to politics é sin.