Éamon Ó Cuív (Galway West, Fianna Fail) | Oireachtas source

Níorbh shin amháin é. Is cuimhin liom nuair a bhí mo theach féin á thógaint, bhíodh muid ar an suíomh chuile lá, bhíodh muid ag íoc duine leis an obair a dhéanamh, agus bhíodh muid ag ceannacht an t-ábhair, agus tá sé sin ceart go leor. Tugadh na rialacháin isteach áfach toisc go raibh chuile dhuine ag tabhairt amach faoin Rialtas nach raibh dóthain rialachán ann agus go raibh droch-thithíocht á dtógáil. Faraor géar, rugthas ar na tithe aonair sa rud sin. Aontaím le Donncha Ó hÉallaithe. Ní fhaca mise droch-theach mar sin á thógáil.