Éamon Ó Cuív (Galway West, Fianna Fail) | Oireachtas source

An taithí a bhí ann cheana, bhí sé níos fairsing ná mar atá anois mar níl an oiread sin daoine ag dul leis na ceirdeanna, nó cinnte dearfa nuair a chuaigh mise go Dúiche Sheoigheach, an rud a bhí ag tarlú ná théadh na leaids a bhí ag obair sa mhonarcha abhaile tráthnóna. B'fhéidir nach raibh aon scil acu ag leagann blocanna ach d'fhaighidís duine éigin a leagadh na blocanna agus bhíodar siúd ag déanamh go leor den sclábhaíocht, ag réiteach an suimint agus chuile shórt. D'fhaighidís plástrálaithe ansin agus dhéanaidís an rud céanna. Go minic, is comharsan nó gaolta leo iad a bhí i gceist. Tuigim an rud atá i gceist ag an bhfinné. Níl a fhios agam. Chaithfinn breathnú ar na rialacha go bhfeicfinn cé mhéid is féidir a dhéanamh duit féin. Cinnte dearfa, ní gá gur conraitheoir amháin atá ann ach caithfidh na daoine a bhí inniúil sa phost. Caithfidh siad a bheith cláraithe agus cáilithe más ceird faoi leith atá i gceist. Ceann de na rudaí faoi bheith cláraithe ná toisc cúrsaí cánach. In other words, tá an Rialtas ag rá, má tá sé ag íoc airgead amach, tá sé ag iarraidh a chuid ar ais.