Éamon Ó Cuív (Galway West, Fianna Fail) | Oireachtas source

Céard a theastaíonn le go mbeidh siad in ann iarratas a réiteach? Deirim é sin mar nuair a thagann grúpa atá ag iarraidh teacht ar rud éigin, fiafraím dó an bhfuil aon iarratas déanta agus go minic níl. Tá sé cosúil leis an chrannchur; ní bhaintear é muna gceannaítear ticéad. Muna mbeidh iarratas istigh, is beag an maitheas dúinn a bheith á bhrú seo. Céard a theastaíonn le go mbeidh sé ar chumas Áras na nGael an t-iarratas a dhéanamh agus é a thabhairt chun críche?