Aindrias Moynihan (Cork North West, Fianna Fail) | Oireachtas source

Taispeánann an sampla maith sin go bhfuil na craoltóirí neamhspleácha tar éis bogadh as a stuaim féin agus an ábhar sin a chur ar fáil. Tá sé iontach a chloisteáil go bhfuil tar éis éirí go maith leis. An dtagann na stáisiúin chuig Craoltóirí Neamhspleácha na hÉireann mar gheall ar an nGaelainn nó an mbíonn plé ann? Luaigh Kayte O'Malley nach bhfuil sé ar intinn ag an eagraíocht go mbeidh céatadán nó sprioc leagtha síos sna ceadúnais. Cad as a tháinig an cinneadh sin? Ar tháinig na stáisiúin raidió chuig an eagraíocht chun é sin a phlé? Ar theastaigh uathu an teanga a chur ar leataobh nó ar bhraith siad go mbeadh níos mó Gaeilge acu dá mba rud é nach raibh aon sprioc ann? Cad a bhí in aigne acu? Cad as a tháinig an tuairim sin? An mbíonn plé idir na stáisiúin raidió agus an eagraíocht mar gheall ar chraoltóireacht as Gaeilge?