Aengus Ó Snodaigh (Dublin South Central, Sinn Fein) | Oireachtas source

Tá brón orm a bheith ag cur isteach anseo ach ó thaobh an chórais leis na fotheidil a dhéanamh as Béarla, an úsáidtear AI chun é sin a dhéanamh nó an mbíonn duine á gclóscríobh? Maidir le han-chuid stuif anois, tá sé uathoibríoch toisc go bhfuil an oiread sin daoine ag caint Béarla agus aithníonn an córas sin canúintí éagsúla. Anois, nuair a fheictear fotheidil, bíonn rudaí mícheart anois is arís. An é amach anseo go mbeidh an deis sin ann má tá go leor Gaeilgeoirí á lorg? Bhí Meta anseo agus bhí siad ag lorg go mbeadh, is dócha, 1,000 uair an chloig de thaifead ann le go mbeadh an foclóir mór go leor ansin ag an gcomhlacht chun an sórt fotheidealú sin a dhéanamh.